Ujaasineq: Ajunaarsimasut marluk nassaarineqartut
Sapaammi ualikkut inuit marluk arfininngornermi unnukkut Nuup kangerluani ujaarineqalersut nassarineqarput, marluuullutilli ajunaarsimasut politiit oqaatigaat.
Pineqartut tassaapput angut arnarlu.
Arnaq sapaammi ualikkut toqungasoq nassaarineqarpoq.
Angut aamma sapaammi unnukkiartortoq toqungasoq nassaarineqarpoq.
Ilaqutaasut kalerrinneqareersimasut politiit aammalu Issittumi Sakkutooqarfiup ujaasinermilu aqutsisuusut oqaatigaat.
Kalaallit Nunaanni politiit arfininngornermi unnukkut nalunaaqutaq aqqaninngulersoq innuttaasut ilaannit isumaaluttumit attavigineqarput. Inuit pineqartut Nuup eqqaanut aalisariarsimapput Nuummullu apuutereertussaagaluarlutik apuussimanatik.
Issittumi Sakkutooqarfiup angallataa Lauge Kock aamma Knud Rasmussen ujaasiartortinneqarput, aammalu Air Greenlandip qulimiguuliutaa EC 225 aammalu sakkutuut timmisartuutaat politiillu angallataatai Sisak aamma Ilik aamma ujaasiartortinneqarput.
