Ajunaarnersuit kingunerannik qimarngusut amerlanerpaat

Silap pissusaata allanngorneranik pissuteqartumik pinngortitami ajunaarnersuit kingunerannik inuit 20 millionit maanna qimarngusut, aviisimi Politikenimi ullumikkut allaaserineqarput.
Allattoq Elisa Isaksen
septembarip 21-at 2009 07:35

Naalagaaffiit Peqatigiit aamma Norgimi qimaasunik ikiuiniaqatigiiffiup nalunaarusiaani nutaami oqaatigineqarpoq, pinngortitami ajunaarnersuit pissutigalugit qimaasartut maanna amerlanerpaanngortut.

- Kisitsisit ersersitaat paatsuugassanngitsoq isumaqarpunga: Pinngortitami ajunaarnersuit ukiut 20-t ingerlanerini marloriaatinngorsimapput, ukiumut 200-uusaraluarlutik 400-nngorsimammata. silap pissusaa peqqarniinnerulersimavoq, inuillu millionilikkaat panernersuit qarsutsinersuillu pissutigalugit qimaasariaqartalerlutik, Qimaasunut ikiuiniaqatigiinnut pisortaq Elisabeth Rasmusson oqarpoq.

Tassa inuit 20 millionit silap pissusaanik pissuseqartumik qimaasarput, tamatumunnga sanillugu inuit 4,6 millionit sorsunnermit sakkulersornermillu qimaatinenqartarput.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq