Ajunaarnersuarmik eqqugaasut ikiornialerpaat

Asiap nalaani qarsutsinersuaqarnerani ajunarnersuarmik eqqugaasut sukkanerpaamik aningaasanik katersissunniarlugit Nuummi innuttaasut tallimanngorpat katersuiniaqatigiilerput.

Aningaasanik katersiniarnermi aaqqissueqataasoq arpattartoq Kim Godtfredsen isumaqarpoq KNR-ip suliniarnera arriippallaamik ingerlanneqarmat uggornartoq, aningaasallu ulluni makkunani pisariaqartinneqarmata katersuiniapallattoqartariaqartoq, taamak aamma isumaqarpoq Nuup borgmesteria Agnethe Davidsen.

- Taanna tupinnalaartorujussuuvoq tusarlugu piareersarneq taamak sivisutigissappat. Una katersuiniarneq piaartumik ingerlanneqartariaqartoq isumaqarfigivara, ajunaarneq taamak annertutigisoq misigissutsikkullu taamak eqquitigisoq.

Agnethe Davidsen nangilluni oqarpoq aningaasanik katersuiniarneq piaartumik ingerlanneqartariaqaraluartoq, inuit attorneqarsimanerminni aningaasanik tuniserusunnerusarmata.

-Uggornartorujorujussuuvoq KNR-i piaartumik aaqqissuusseqataasimassanngippat. Massakkut ikiuerusuppugut qaammat ataaseq utaqqinagu. Massakkununa inuit taakkua eqqugaasimasut ikiorneqarnissartik atorfissaqartikkaat. Agnethe Davidsen oqarpoq naggasiillunilu oqaatigaa taaatut ajunaarnersuaqartillugu KNR piareersimanerusariaqartoq.