Ajunaarnersuaqassagaluarpat annaassiniartussat naammanngillat

Sinerissamut qanittumi ajunaarnersuaqarsinnaaneranut upalungaarsimasussat piareersimannginnerarlugit Sisimiuni qatserisartup Morten Siegstadip ippassaq oqaasii, Nuummi qatserisartut ittuannit taperserneqarput.
januaarip 15-at 2009 08:49

Knud Petersen oqarpoq, umiarsuarmi takornariartaammi ajunaarnersuaqassagaluarpat annaassiniartussat naammanngitsut.

- Atortorissaarutit tungaasigut Nuummi amigaateqangaanngilagut. Ilinniartitaanerli tamaani sinerissamilu amigaataaqaaq. Nuummi qatserisartut tamarmik 40-sussaagaluarput 36-iinnaavugulli. Sinerissamut qanittumi ajunaarnersuaqassagaluarpat qatserisartut affaannai aallartissinnaavagut, kingusinaarlutalu pisoqarfimmut takkukkutta uagutsinnut ajornartorsiutaasorujussuussaaq, Knud Petersen oqarpoq.