Ajunaarfiugaluartoq feeriarfogonoarpaat
Thailandimi qeqertat alianaalluinnartut ilaat Phuket takornarianit nunatsinneersunittaaq feeriarfigineqartartoq Asiami immap naqqata sajorujussuarnerata kingorna aamma ajunaarnersuaqarfiuvortaaq. Akunnittarfik maanna immap suujunnarsereersimavaa. Qaammat ataaseq qaangiuppat Sisimiuneersut ilaat Phuketimut feeriarnissartik ajornanngippat suli aalajangiusimavaat.
Thailandimi qeqertat ilaat Phuket maanna ajunaarnersuaqarfiuvoq. Qaammat ataaseq qaangiuppat Sisimiormiu Oline Berthelsen uinilu Thailandip qeqertaasa ilaannut Phuket-imut ajornanngippat feeriartussaapput, sulilumi aalajangiusimavaat. Oline Berthelsen-ip tusakkatik pillugit oqarpoq eqqugaasut assut nallinnartut. Tusakkatik kingulliit tassaanerarpai Phuketimi akunnittarfissartik immap suujunnarsissimagaa. Ajornartitaassanngippat neriuutiginerarpaa alianaaatsumut Phuketimut pingajussaarlutik feeriarsinnaassallutik. Oline Berthelsen ajunaarnersuaqarnerata assinganik pisoqaqissinnaanera ernummatiginnginneraa, akivoq taama pisoqariasaartarmat ernumanani, kisiannili neriuutiginerarpaa soorunami taama pisoqaqqissanngitsoq. Oline Berthelsenip pissutsit taamanikkussamut qanoq ittut takoriarlugit Phuketimut tikittoqaqqusaassapput feeriarfigissallugu suli aalajangiusimagitsik oqarpoq, ajornassappalli allamut feeriarfissarsiortariaqassapput. Neriuutigaali pingajussaa feeriarfissartik Phuket alianaagilluiannagartik feeriarfigisinnaassallugu.
