Ajugaasumit sekundeni 480-ni arriinnerulluni kalaaleq apuuppoq

Unammineq 20 kilometerisut isorartutigisoq unammissutigineqarpoq.

Oqaattaasarluni ujakkaarnermi, Aqqaluartaa Olsen, Piitaaraq Skifte aamma Øystein Slettemark peqataapput.

Ooqattaarsarluni unammilluni aallaariarnermi Kristian Kristoffersenip eqqoriagassat sisamat uniorpai.
 
Unamminermi ajugaasumit minutsinik arfineq pingasunik, minutsillu affaanik Kristian Kristoffersen arriinneruvoq.

Kristian Kristoffersenip napparsimaqqammernera, unammiffiusullu qatsissumiinnera angusai pitsaanerusinnaanngitsut, Nunatsinni sisoraatinik ooqattaasartartut kattuffianni isumaqartoqarpoq.

Ujakkaarluni ooqattaasarnermi aallaariarnermi angusat ajunngikkaluartut, Kristian Kristoffersen peqataasunit 129-nit normu 98-nngorpoq.

Kalaallini unammeqataasuni angusarinnerit tullersortigaat, Øystein Slettemark, taanna normu 107-nngorami.

Aqqaluartaa Olsen unammisuni normu 111-nngorpoq.

-Siunissami ajunnginnerusunik angusaqarnissarput naatsorsuutigigaluarlugu, ooqattaasarlutik ujakkaartartut pingasut peqataatitavut naammagisimaarpavut, taakku pingasuullutik 107 cup pointinik pissarsipput.
Pointit pingaarnerpaat, unamminerup ingerlanerani katersorneqassapput.
Kalaallit unammisartuisa normu 30-nngornissaat anguniarneqarpoq, Kalaallit Nunaanni sisoraatinik ooqattaasartartut kattuffiat Grønlands Biathlon Forbund taama nalunaarpoq.