Ajugaasoq tassaavoq...

Ajugaasoq tassaavoq Ole J. Petersen. Assilisap uissuumminartuunera naliliisartut toqqaanerminnut tunngavilersuutigaat.

- Qimerluiisumut nangiarnermik misigisaqalersitsisinnaanini assilisap immikkuullarissutigaa. Assimi takuneqarsinnaavoq inuusuttoq sikup sinaanniittoq, taassumalu isumaa unammisitsinerup siunertaanut naapertuulluinnartuuvoq, naliliisartut isumaqarput.

Ole J. Petersen 5.000 koruuninik akissarsitinneqarpoq.

Assiliisartut Kalaallit Nunaanni sumi tamaneersut, Danmarkimeersut USA-meersullu unamminermi peqataapput, assilisat 230-t sinneqartut unammisitsinermut nassiunneqarput. Assilisat tamarmik Issittumi Siunnersuisoqatigiit Nuummi sapaatip akunnerata tulliani ataatsimiinnerisa nalaani saqqummersinneqassapput.

Unammisitsinermi naliliisartut tassaapput assiliisartoq Jørgen Chemnitz, assiliisartoq nipilersortartorlu Angu Motzfeldt, Napami pisortaq Leise Johnsen aamma Kristine Kreutzmann Nuummi Eqqumiitsuliornermik Ilinniarfimmeersoq.

Assilisat immikkut nersualaartariallit 18-it angisuunngorlugit saqqummersitsinermi saqqummersinneqassasut Napa-mit oqaatigineqarpoq.

Saqqummersitsineq "Views from Greenland" Katuami maajip arfineq-aappaniit 17-iata tungaanut takuneqarsinnaavoq.

Assilisat tamarmik nittartakkami uani takuneqarsinnaapput: www.napa.gl/fotokonkurrence