Ajugaasoq qalipaatigissoq

Ujarassiorimi ujarak ajugaassutaasoq aqerlumik, zinkimik, kultimik sølvimillu akoqarpoq tassanngalu nassaartoq tassaavoq Edvard Christiansen Qeqertarsuarmeersoq. Nassaarfia tassaavoq Kangersuatsiaq Kangerup eqqaaniittoq nassaanilu 55.000 koruuninik akileraarutaasussaanngitsunik pissarsissutigaa.

Akissiarsiap tullianik 25.000 koruuninik aningaasartalimmik pissarsisoq tassaavoq Johannes Kristensen Upernavimmeersoq. Ujarassiornermi ilanngussani Upernaviup avannaani Naajaani nassaarisimavaa. Nassaavalu vanadiumimik, molybdænimik aamma platinimik akoqarpoq. Aningaasartarivai 25.000 kronenik.

Akissarsiat pingajuat 10.000 kronenik aningaasartalik Nuummeersup Hans Jørgen Løvstrømip pissarsiaraa. Nassaava Ameralimmi nassaajusoq kanngussammi molybdænimillu akoqarluarpoq.

Akissarsiat sisamassaannik 5.000 kronemik aningaasartalimmik pissarsisut sisamaapput. Tassaapput Ole I. Frederiksen Attormiut, Efraim Titussen Qaqortumuiik, Pauline Qaerngaaq Qaanaarmiut kiisalu Nuka Amalie Jensen Nuummeersoq. Taakku aamma aatsitassartalinnik ujaqqanik nassiussaqarsimapput.