Ajornartorsiorfiit saqqummiuteqqammerpaat
Allattorsimaffiup takutippaa, nunarsuarmi pisut ilungersunarluinnartut ilaat tusagassiorfinnit malinnaavigineqarpiartanngitsut.
Isiginngitsuusaarneqarnerpaatut inissisimavoq Afrikami nuna Somalia, klanit - siuaasaqatigiinnik aamma taaneqarsinnaasut - akornanni akersuuttuarnerit kingunerisaannik 100.000-kkuutaanik qimaasoqartoq.
Somaliami qimaasorpassuaqarnera Afrikami ajunaarnersuit ilaattut taaneqarsinnaavoq.
Afrikami nuna alla tassalu Zimbabwe normu to-tut inissisimavoq. Zimbabwe kaannersuaqarfiuvoq, suliffissaaleqiffiuleraluttuinnarluni, aningaasaqarneralu ajorluinnarluni aamma tassaavoq politikkikkut toqqissisimanngiffiusoq, “Læger Uden Grænser” taama allaaserinnippoq.
Nunat allat Sri Lanka, DR Congo Colombia-lu nunanut ajornartorsiorfiusunut isiginngitsuusaakkanut allattorsimaffimmi aamma ilaapput.