Ajornartoornerup aatsitassarsiorneq kinguarsarpaa
- Soorunami suliffeqarfinni tamani aningaasarsiornikkut ajornartorsiorneq malugineqarpoq. Aatsitassarsiornermi suliffeqarfiit soorunami aamma taama nalaataqarput. Suliassarpassuit aalajaattut aalajaannginnerumaallu kinguartinneqarallarput. Annertunerpaamittaaq piaaffiusussaq Tunup avannaani malmbjergimiittut suliffeqarfiup kinguartitsinissamik qinnuteqareernerata kingorna pivoq. Taamaammat suliassat unitsiinnarneqanngillat, Aatsitassarsiornermi pisortaq Jørn Skov Nielsen oqarpoq, nangillunilu.
-Suliassat amerlanerit aalajaattumik ingerlalluarput, Aningaasarsiornikkut ajornartorsiornermi Kalaallit Nunaannut kingusittumik aatsitassarsiortoqalernis- saa kingunerussaaq.
Canadamiut aatsitassanik suliffeqarfiutaat Quadra Mining nunarsuarmi molydænemik piiaaffiit annersaat tunup avannaani Malmbjergimi 2012-imi atulerneqartussap aningaasarsiornikkut ajornartorsiornermik kinguneqartumik kinguartinneqartoq nalunaarutigaa.
Novembarip aallartinnerani guultisiorfik Nanortallup eqqaaniittoq Nalunaq, ukiup naanerani imminut akilersinnaannginnera tunngavigalugu unitsinneqartussanngortoq nalunaarutigineqarpoq.
Taamatullu Maarmorilimmi aqerlumik zinkimillu piaanissaq akit appasinneri pissutigalugit aprilimut kinguartinneqarpoq.
aatsitassaliornissamik unitsitsiinnartunik allanik nalunngisaqarpisi?
- Aatsitassaliornermi aallartitsisussanik unitsitsiinnartoqanngilaq. Illuanilli diamantisiornissamik pilersaarutillit periarfissanik misissuinertik ingerlatiinnarpaat, Jørn Skov Nielsen naggasiivoq.