Airbus Keflavikiliartinneqarpoq
Ilaasut 169-it Islandimi unnuissapput, aqagulu arfininngornermi ullaakkut nalunaaqutaq arfineq-marlunut, Norsamut ilaallutik Kangerlussuarmut tikissallutik.
Air Greenlandip arfininngornerup ingerlanerani immikkut timmisartuussinermigut sapinngisani tamaat ilaasut apuuffissaannut anngunniassavai.
Aqagu immikkut ittumik timmisartuussinissat pillugit Air Greenlandip nittartagaa una: www.airgreenland.gl paasiniaaffigineqarsinnaavoq.
Ilaasut ullumi Danmarkiliartussaagaluit Kangerlussuarmiittut aqagu Norsamut ilaassapput nunatsinni nalunaaqutaq malillugu nal. 08.50 aallarlutik, Københavnimullu nal. 17.10 qallunaat nunaanni nalunaaqutaq malillugu tikillutik.