Air Icelandip Mittarfeqarfinnik suleqatigiinnerup pitsanngornera malugaat
Mittarfeqarfiit pitsaanerusumik suleqatigilernerisa Air Icelandimut iluaqutaavoq, Kalaallit Nunaannut takornarianik amerlanerusunik tikisitsisalernissartik taakku sulissutigaat.
Maannakkutulli Air Icelandip takornariat pillugit Nunatsinni ingerlatsipput. Nunatsinni innuttaasunit atorluarneqarsinnaasumik Islandip tungaanut aqquteqarnera takornariat peqqutaanerpaapput.
90 procentit takorniaraapput
- Tamanut tunngaviunerpaavoq. Kalaallit Nunaannut siumut utimullu ilaasartut 90 procentii takornariaapput. Islandermiuunngitsut Kalaallillu Nunaanneersuunngitsut, Arni Gunnarsson Air Icelandimi pisortaq taama oqarpoq.
Taassuma oqaluttuaraa, Nuummut aqqut kisimiilluni takornarianut tunngatinneqanngitsoq.
Aamma atuaruk Air Iceland: Qaqortumi mittarfiliortoqarnissaq pisariaqartinneqanngilaq
Gunnarssonnilu malillugu takornariaqartarneq tunngaveqarpoq, Air Icelandi Ilulissani, Kulusummi aasamilu Narsarsuarmi najugalinnut nunarsuup sinneranut aqqutaasoq.
Takornariat Kalaallit Nunaanut ingerlateqqinniarpaat
Taanna malillugu Air Icelandip Kalaallit Nunaannut ingerlatsinerat Islandimut takornariartartunit ukiuni kingullerni marloriaatinngorsimasunit annertusarneqarpoq.
Aamma atuaruk Mittarfeqarfiit Air Icelandilu isumaqatigiissuteqarput
- Soorunami iluaraarput, taakkuli maannartinnissaat misilipparput. Takornariat taakku millioniusut siorna Islandimut tikerartut ukiormannalu amerlanerusut, Kalaallit Nunaat ornitassaattut aappaattut toqqarnissaat piareersartippagut, Gunnarsson oqarpoq.
Sapaammi tikeqqusaasimanngillat
Taasuma oqaatigaa ukiuni kingullerni mittarfeqarfiit suleqatiginerat pitsanngoriaateqarsimasoq.
Siornatigut Air Icelandip Kalaallit Nunaannut sapaammi minnissaat ajornakusoortarsimavoq, ukiunilu kingullerni mittarfeqarfiit Ilulissani Kulusummilu sapaammi ammatitsisalerpoq. Ilaasut kisinneqaraangata ersertartoq:
Aamma atuaruk Islandip Nunarput suleqatigiumagaa
- Ineriartorneq takuarput. Mittarfiit sapaammi ammasarnerisa takornariat amerlanerulersippaat. Mittarfeqarfinnut uagutsinnut Kalaallit Nunaannullu tamanut takornariaqarnerulernera pitsaasuuvoq, Gunnarson oqarpoq.
Akileraarutit annertuut nuannarineqanngillat
Suna tamaallu Air Icelandip nuannaarutiginngilaat. Immikkut ittumik Mittarfeqarfiit akileraarutaat nuannaerineqanngillat:
- Qaffasissorujussuupput. Islandimut naleqqiullugit qaffasissorujussuunerat annertoqaaq, nunanullu allanut amerlanernut naleqqiullugit qaffasinnerujussuullutik, Air Icelandip pisortaa Arni Gunnarsson oqarpoq.
