Air Icelandip Kulusummut timmisartuussinissaq isumagissavaa

Air Icelandip Air Greenland aasap ingerlanerani angallassinerani ikiortussanngorpaa. Kalaallit Nunaata kitaani Air Greenlandip angallassinissaminut timmisartuutini atortussaagamigit Nuup Kulusuullu akornanni timmisartuussisarnissaq Air Icelandip isumagissavaa.

Air Greenland maannakkut nunatta kitaata kangiatalu akornanni pingasunngornikkut arfininngornikkullu timmisartuussisarpoq. Juunilli 28-anniit aggustip 23-ata tungaanut arfininngornikkut, kiisalu juulip 23-anniit aggustip arferngata tungaanut pingasunngornikkut Air Iceland timmisartuussisassaaq.

Air Icelandip timmisartuussinermini DASH-sevenimiit minnerulaartoq DASH- 8-Q100 atortassavaa, minnerulaaraluarlunili allakkanut, ilaasussanut assartugassanullu atussallugu tulluartuusoq nalunaarutigineqarpoq.

DASH-8-llu taaneqarnera aarlerinartoqartineqarpat oqaatigisinnaavarput ungasissorsuunngitsukut SAS-ip ajornartorsiutigisaa timmisartoq annerumaarmat DASH-8-Q400-millu taaguuteqarluni, Air Icelandip atorniagaa taaguuteqarpoq DASH-8-Q100, Air Greenlandimi tuniniaanermut pisortaq, Christian Keldsen oqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat