Air Iceland Ilulissanut timmisartuussisalissaaq

Islandimi timmisartuutileqatigiiffik Air Iceland aappaagu Kaflavikkimit toqqaannartumik Ilulissanut timmisartuussisalissaaq. Aammattaaq aappaagu Keflavikkimit Nuummut timmisartuussisarnerit marloriaatinngussapput, taamaalilluni aasaru Keflavikkimit Nuummut sisamariarluni timmisartuussisoqartalissalluni.
Allattoq Louise M. Kleemann
septembarip 16-at 2008 14:19

- Kalaallit Nunaat soqutigineqarluni tikinneqarusuttaqaaq, taamaattumik uatsinnut silatusaarneruvoq takornarissanik angalasussanillu allanik Ilulissanut timmisartuussisalernissaq, Air Icelandimi pisortaq Arni Gunnarsson greenland.com-imut erseqqissaavoq.

Angalatitseqatigiiffiup aappaagu julip aallaqqaataanit septemberip aappaata tungaanut pingasunngornikkut arfininngornikkullu Dash 8 Ilulissiartittassallugu pilersaarutigaat.

Namminersorluni turistinik ukiut 15-it sullissisartoq Siverio Scivoli isumaqarpoq aqqut nutaaq Ilulissiarniartunut pitsaassaqisoq.

- Nalunngilarput takornarissat toqqaannartumik Kalaallit Nunaannukarusuttartut, taamaammallu Københavniliaqqaarneq pinngitsoorniarlugu umiarsuarnut takornariutinut ilaallutik nunatsinnukartartut. Tamanna tunngavigalugu Ilulissanut aqqut nutaaq takornarissanit atorluarneqarnissaa ilimanarpoq, ulluinnarni takornarissanik sullissisoq Silverio Scivoli oqarpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq