Air Greenlandip timmisartuussinini unitsippai
Sinerissap ilarujussua silapilupput. Air Greenlandip nalunaarutigaa Nuummiit Nuummullu timmisartuussinerit tamavimmik ullumi unitsinneqartut.
Allattoq Louise M. Kleemann
Peqatigitillugu nalunaarutigineqarpoq Nuummiit avannamut timmisartuussinerit tamarmik aamma unittut, kisianni Air Greenlandi Ilulissat Kangerlussuullu akornanni ullup ilaagut timmisartuusseriaraluassaaq.
Sila aqagu qatsuumisussaammat Nuup Kangerlussuullu akornanni arfininngornermi immikkut ittumik timmisartuussisoqarnissaanik Air Greenlandi suliniuteqaleruttorpoq.
Ullumi aallanngitsoortussanngortut aqagu angallassinernut sunut inissinnissaat paasinarsippat kalerrinneqassasut ilanngullugu ilisimatitsissutigineqarpoq. Kikkulluunniit timmisartumik angalasussat text-TV-mi malinnaaqquneqarput.