Air Greenlandip timmisartuini saqisut suliumajunnaarniarnerat kinguartinneqarpoq

Suliumajunnaarnissamik pilersaarut aallartinngitsiartorlu, isumaqatigiisitsiniartartoq aalajangerpoq suliumajunnaarsinnaaneq ullunik 14-ini kinguartinneqassasoq. Isumaqatigiinniartut ullup sivisunersaani Københavnimi isumaqatigiissitsiniartartumi ataatsimiipput, isumaqatigiissuteqartoqarsinnaanngimmalli isumaqatigiissitsiniartartup aalajangerpaa suliumajunnaarneq kinguartinneqassasoq isumaqatigiinniartullu ullut 14-it qaangiuppata, isumaqatigiitsiniartartumi naapeqqissasut, Anders Mark Jensen Air Greenland-imi saqisut sinnerlugit oqaaseqartittaq Radioaviisimut oqarpoq.

Illuatungeriit nutaamik isumaqatiginninniarsinnaanerat periarfissinniarlugu, isumaqatigissitsiniartartup pisinnaatitaaffini atorlugu illuatungeriit ullut 14-it qaangiuppata isumaqatigiissitsiniartartumi naapinissaamik periarfissippai.

Timmisartumi saqisut suliumajunnaarnissamik aallarisaaripput, sulisut atugaat pillugit isumaqatigiissutigiissutigineqartoq, ilaasortat 86 procentiinit isumaqatigineqanngimmat, itigartitsissutigineqarlunilu Timmisartumi saqisut sulinermi nalaani unikkallartarnermi malittarisassat ajunnginnerulernissaannik kissaateqarput, kiisalu timmisartut ingerlaarneranni saqisut amerlanerunissaat, akissarsinermilu tapit amerlanerussaat kissaatigineqarluni.