Air Greenlandip timmisartorsua Air Bus ilaasoqarpiarani Københavniliarpoq

Air Greenlandip timmisartorsua Airbus Københavnimiit Kangerlussuarmut tikereeraluarluni, Nuummiit, Maniitsumiit Sisimiuniillu ilaasussat Danmarkiliarniartut Kangerlussuarmut ullup ingerlanerani apuussinnaanissaat neriuutigineqarmat utaqqigaluarpai, taakkuli anngutinngimmata Airbus ilaasoqarpiarani Københavniliartariaqarsimavoq.

Air Greenlandimi sulisoq, Christian Kjeldsen, ilisimatitsivoq, Nuummiit, Maniitsumiit Sisimiuniillu ilaasussaagaluit Kangerlussuarmiit angalanissaat manna allanngortinniarsarigitsik, neriuppullu taakku amerlanersaat aqagu Danmarkiliartinneqarsinnaassasut – sinneri immikkut ittumik timmisartuliinikkut arfininngorpat Danmarkiliartinneqarsinnaassapput, immikkummi timmisartoqarnissaa aalajangiunneqaqqammerpoq.

Angalaniartut tekst TV-kkut Air Greenlandillu nittartagaatigut malinnaanissaat kaammattuutigineqarpoq.