Air Greenlandip siulersuisui qunusiarineqarput
- Politikerinit arlalinnik saaffigineqaratta allatut ajornartumik taamatut qisuariarpugut, oqarpoq Air Greenlandip siulersuisuini siulittaasoq Julie Pars. Taassumali oqaatigerusunngilaa politikerit pinngitsaaliisut kikkuunersut oqarporli Namminersornerullutik Oqartussat pisiniartartuni pingaarnerpaatut inissisimagamik piginneqataagamillu naammagittaalliorsinnaatitaasutut naatsorsuukkini.
Air Greenlandip siulersuisuisa ajuusaarnerartariaqarnerannut pissutaavoq Michael Binzer radioavisimut oqarmat issuaaneq aallartippoq: mittarfeqarfinni atortuutit qimerloorneqaqqaartariaqaraluartut mittarfinnik tallilerinissaq oqallisigitinnagu” issuaaneq naavoq. Taamatut oqarneq Air Greenlandip siulersuisuisa sakkortuumik akerlilerpaat. – Michael Binzeri nipangersarneqanngilaq. Oqaasiisa sinneri eqqorput kikkulli suut pillugit oqaaseqarsinnaatitaanersut ersarissarneqaannarpoq politikkimut tunngasunik oqaaseqartartussaq tassatuaammat siulersuisut siulittaasuat.
