Air Greenlandip naatsorsuutai naammagisimaarneqarput
Angusarissaarneq arlalinnik peqquteqarpoq. Aningaasartuutit nalikilliliinerillu malunnartumik appariarput, ilaatigut timmisartuutit assigiinngitsut ikilinerisigut aammalu nunatta iluani ilaasunik angallassissutitut DASH7-niit DASH8-nut ikaarsaarnikkut. DASH 7-it marluk tunineqarnerini ataasiaannartumik isertitat 16 millioner koruuniupput. Ingerlatsiviup timmisartuutaata Airbus 330-p piffissap attartornerup naanerani akigititassatut isumaqatigiissutigineqartoq atorlugu pisiarineqarnissaanik ingerlatsiviup akuersinerata kingunerisaanik, timmisartup attartorneranut aningaasartuutit appartinneqarput.
- Angusat naammagisimaarpavut, taakkumi takutippaat timmisartuutinik allannguineq, unammillerneqarnermut tulluussarneq il.il. eqqortumik iliornerusut. 2007-milu ukiunut tallimanut anguniagassatut pilersaarutitsinni 2012 ukiuuvoq kingulleq, anguniakkattalu amerlanerpaartaat angusimavavut. Timmisartuutigut nutarterpavut, Islandimut Canadamullu aqqutinik nutaanik ammaavugut, atuisut inuiaqatigiillu attavigiuarpavut angalanissanullu inniminniisarfik nutaaq qanittukkut atulersissavarput, taannalu aqqutigalugu atuisutta nunani tamalaani ersarinnerulersissavaatigut, siulersuisunut siulittaasoq Jens Wittrup Willumsen oqarpoq.
Ilaasut amerlerialaarsimapput, tassa Air Greenlandimut ilaasut amerlassusaat allanngungaarsimanngillat. Timmisartunik attartortitsineq 2011-mut sanilliullugu appariarfiuvoq, minnerunngitsumik aatsitassarsiornermik ingerlatsinissamik kissaateqartut oqartussanit pisinnaatitaaffinnik pisussaaffinnillu erseqqissumik tusarlerneqarsinnaannginnerisa nassataanik suliassanik kinguartiterinerinik peqquteqartumik. Air Greenlandip angusarissaarnermigut siunissami aningaasaliisarnissat qulakkiissavai suliffeqarfiullu ineriartornermigut unammillersinnaassutsini attatiinnassavaa, aamma sinerissap avataani qillerineq eqqarsaatigalugu.
- Timmisartuutigut nutarterpavut, Islandimut Canadamullu aqqutinik nutaanik ammaavugut, atuisut inuiaqatigiillu attavigiuarpavut angalanissanullu inniminniisarfik nutaaq qanittukkut atulersissavarput, taannalu aqqutigalugu atuisutta nunani tamalaani ersarinnerulersissavaatigut, siulersuisunut siulittaasoq Jens Wittrup Willumsen oqarpoq.
