Air Greenlandimi juullimut ulapaarput
Timmisartortitseqatigiiffik Air Greeland ullaarmanna nalunaaropq silaannakkut angallassinertik tamakkiisumik ullumikkut ingerlanniarlugu, juullisioriarlutik angalasut juullertinnagu apuuffissaminnut anngunniassamata.
Uani pineqarlutik, Kalalallit Nunaanni Danmarkimit Danmarkimullu ilaasunik silaannakkut angallassinnerit.
Timmisartorsuaq Norsaq København-mit Kangerlussuarmut ingerlaartoq, ippasaq Kangerlussuarmi sakkortuumik anoraasuartarnera pissutigalugu Island-imut Keflavikkimut ingerlasariaqarsimavoq, taanna maannakkut Kangerlussuarmut ingerlaartoq, Air Greenland nalunaarpoq.
Pilersaarutit malilllugit qulingiluat qaangerlugu tanneq sisamanut 9:20 Kangerlussuarmut tikinnissaa naatsorsuutigineqarpoq.
Norsaq Kangerlussuarmit Københavniliarluni aallassaaq nalunaaqutaq ataatsimut.
Timmisartortitseqatigiiffik Air Greenland timmisartumik Københavnimit Kangerlussualiartumik attartorpoq, taannalu Island-imi Keflavik aqqusaarlugu Kangerlussuarmut ingerlaarpoq, pilersaarutit malillugit ataatsinut tanneq arfineq qulingiluat 12:45 Kangerlussuarmut tikissalluni.
Air Greenlandip timmimsartunik angallassinermi aqutsisoqarfianit nalunaarutigneqarpoq, nunarput tamakkerluni silagissoq, timmisartorfissaqqilluni.
Pilersaarutit malillugit timmisartuussinissat aammalu immikkut ittunik arlalinnik timmisartuussusisoqassaaq.
Air Greenland-imit neriuutigineqarpoq, juullertinnagu angallassinerit ullumikkut naammassineqarumaartut. Ullumikkut timmisartuussinerit silamit akornuserneqassagaluarpata , Air Greenland juulliaqqami timmisartuussinissaminik piareersimavoq.
Danmarkimi apinerujussua aqquserngillu sermersimanerat pissutigalugit angallannikkut pissutsit tappavani ilungersunartorsiuffiupput.
Danmarkimi tamarmi innutaasut politiinit kaammattorneqarput, biilinik angalassanngikkallartut, silaannakkut angalassinerit kinguaattorfiupput, qinuttuitsut angalanerat kinguaattoorfiugaluarlutik amerlanerit pilersaarutit malillugit angalapput.
Qimuttuitsunut ilaanermi bilitsit nungussimapput, DSB-imilu tusagassiisartoq oqarpoq qimuttuitsuni nikorfalluni ilaaniaaraanni ilungersoraanni iluatsitsisoqarsinnaasoq.
