Air Greenland eqqartorneqaleraangat oqaaseq akikitsoq Air Greenland-mut tulluartinneqarneq ajorpoq.
Tamanna allanngortinniarlugu Air Greenland akikilliliilluni iliuuseqarniarlerpoq. Aqqutit akikilliliivigineqartussat aalajangersimasut, tassaapput Nuuk, Maniitsoq, Sisimiut, Aasiaat Ilulissallu.
”Takuss” bilitsinik taaneqartartut juullip nalaaniinnaq atorneqarnatik, aappaagu junip qaammataata tungaanut atorneqarsinnaalissapput. Taamaattumik bilitsimik pisiniaraanni aallarnissamut ullunik 14-nik sioqqutsilluni akiliisoqartariaqartassaaq.
Arfininngornikkut akikitsumik angalanerit aqqutinut tamanut pisiarineqarsinnaassapput, ataasinngornikkut Ilulissaniit kujammut akikitsumik angalasoqarsinnaalluni, Nuummiit avannamut akikitsumik marlunngornikkut angalasoqarsinnaassaaq.
