Air Greenland ullumi Kulusuliartitsinialerpoq

Kulusuliarnissaq silarlunnerata nassataanik decembarip tallimaanili taamaatiinnartariaqartarsimavoq taamanerniillu Kulusummi silarluttuarsimavoq.
Allattoq Mads Lynge
decembarip 13-at 2007 11:42

Air Greenlandimi timmisartut ingerlaarnerinut pisortaqarfimmit oqaatigineqarpoq tassuugu, nalunaaqutaq ataatsimut tanneq tallimat ilaasut 36-t Nuummiit Kulusuliarlutik aallassasut.

Dash-7 ilaasunik 36-nik angallassisussaq Kangerlussuarmiit Nuummut nalunaaqutaq ulloqeqqanut tikippoq, tuaviinnarlu usingiapallariarlugu sukkanerpaamik ilaasut nassataallu Kulusuliartussat ikissasut, Air Greenlandimi timmisartut ingerlaarnerinut pisortaqarfik nalunaarpoq.

Taarsinnginnerani angallassisoqarnissaa pillugu tuaviortariaqarnerarput.

Timmisartoq alla Kulusuliartussaq ilaasut arfineq-pingasut saniatigut allakkanik, nassiussanik usinillu allanik 1200 kiilut missaanniittunik ualeru angallassisaaq.

Silassamik ilimasaarutit naapertorlugit sila maannakkorpiaq atoruminarsigallarpoq, aqaguli ajorseqqinnissaa eqqarsaatigalugu ullumi angallassinissaq aalajangiukkitsik, Air Greenlandimit oqaatigineqarpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq