PAN-AM 2018 Air Greenland timmisartuussinernut aningaasaleeqataasussanngorpoq

Air Greenland, Amerikap nunavittaani assammik arsarluni nunarsuarmi pissartanngorniunnissanut anngunniunnermi, PAN AM-imi, Nuummi juunip ulluisa 15-iannit 25-ata tungaanut unammiuaartoqarnissaanut aningaasaleeqataasussanngorpoq, Sølvsponsoritut taaneqartartutut aningaasaleeqataasussanngorluni.

Nunat Amerika Kujallermeersut Qiterlermeersullu Nunatta nunanut allanut unammisartuisa unammiuaarnerni naapittussaavaat, assammik arsarluni nunarsuarmi 2019-imi pissartanngorniuttoqarnisssaanut, Danmarkimi Tysklandimilu pisussamut, anngunniuttoqassalluni.

- Nunat tamalaat Kalaallit Nunaanni unammiuaarnissaannut aningaasaleeqataaqqissinnaanissarput Air Greenlandimit nuannaarutigalugulu tulluusimaarutigaarput, soorlu AWG 2016-imi taamaaliortugut, timmisartuutileqatigiiffiup tuniniaarnermut pisortaa Katja Vahl oqarpoq.

PANAM2018-imillu ataqatigiissaarisup Poul Petersenip Air Greenlandimik suleqateqarnertik suliniummut taama annertutigisumut pingaaruteqartutut isigaa:

- Pan Amimik aaqqissuisuunermi suliassarpassuaqarpoq, unammilligassarpassuaqarlunilu. Kangerlussuullu Nuullu akornanni timmisartuussinissamut Air Greenlandip aningaasaleeqataaniarnera taamaammat pingaaruteqarpoq, peqataasussat Nuummut utimullu timmisartuunneqarsinnaanissaat qulakkeerneqarluni, PANAM2018-imik ataqatigiissaarisoq Poul Petersen oqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat