Air Greenland timmisartumik attartorpoq
Air Greenland timmisartuussinissamut kinguaattooqqammat Savalimmiuni timmisartortitseqatigiiffik maanna ikiortiserineqarpoq.
Allattoq Bikki P. Kleist
Silarluttaqattaarnera pissutigalugu Air Greenland ilaasunut nassiussanullu timmisartuussinissaminut kinguaattooqqalermat, timmisartumik Atlantic Airways aqqutigalugu immikkut attartortoqartussanngortoq, Air Greenland nalunaarpoq.
Timmisartoq BA-146 Atlantic Airwaysimeersoq Kangerlussuarmit Narsarsuarmut utimullu timmisartuussivoq, aqagulu Kangerlussuarmit Pituffimmut timmisartuussissalluni. Aamma Qulimiguulik Pituffimmiit Qaanamut uterlugu ilaasunik nassatanillu angallassissamaarpoq.