- Tamanna suliffitta iluani pigiinnassavarput, oqaatigiinnarsinnaalluguli soraarsitsinerit Air Greenlandip timmisartorsuarmik Kunuunnguamik tunisaqarsimaneranut tunngassuteqanngilluinnarmata, Air Greenlandimi paasissutissiisartoq, Pia C. Bang oqarpoq.
Air Greenlandimi sulisut sinniisaat, Jon Wilche aammattaaq soraarsitsinerit pillugit ullumikkut oqaaseqarusunngilaq.
- Ilaasortama paasissutissinnissaat suli amigaatigaara, taamaattumillu oqaaseqarsinnaananga, Jon Wilche oqarpoq.