Air Greenland suli ajornartorsiorpoq
Air Greenland ullumi timmisartuussilaarsinnaasimavoq, pingaartumik Kangerlussuarmit avannamut uterlugulu, kisianni Nuummit Nuummullu angallanneq suli pingasut missaanni iluamik angusaqarfiunngilaq.
Timmisartorsuaq Danmarkimeersoq Keflavikimilu ippassamit unnuisariaqartoq ullumi Kangerlussuarmut apuuppoq ilaasuilu Ilulissiat Sisimiuliallu amerlanersaat ingerlateqqinneqareerlutik, kisianni Sisimiuliaq kingulleq Kangerlussuarmut utertariaqarsimavoq.
Timmisartorsuaq Danmarkiliaqqereerpoq 175-inik ilaasoqarluni, tassa Nuummeersussat qimaannarlugit.
Kangerlussuarmi inuit uninngasut Air Greenlandip neriorsorsinnaannginnerarpai aqagu pinngitsooratik ingerlaqqissinnaassasut, kisiani sapinngisamik immikkut timmisartuliiniarsarissanerarpoq, aqagulu sila ajunngippat aqagumut billetillit ingerlanneqarsinnaassapput. Air Greenlandip Air Icelandip timmisartua inuttaalu attartorsimavai Kulusuk attaveqarfigisinnaajumallugu.
Air Greenland tamaviaarnerarpoq ulluni kingullerni marlunni kinguaattoornerit ullut pingasut ingerlaneranni iluarsiniarlugit.
