Air Greenland soraarsitsiortortoq: makkunani atorfiit atorunnaassapput

Timmisartuutileqatigiffiup atorfiit sipaarniarnermit eqqugaasussat naligiissaartumik agguarniarniarpai.

Timmisartuutileqatigiiffiup Namminersorlutik Oqartussat pigisaata  Air Greenlandip siunissami ataannarumalluni pilersaarummut angisuumut ilaatillugu atorfiit  75-it 100-illu akornanniittut atorunnaarsinniarpai.

Aningaasartuutikillisaaneq 225 millionit koruunit tungaannut sipaarutaassaaq. Air Greenlandip pisortaanerata, Jacob Nitter Sørensenip, oqarnera naapertorlugu soraarsiortorneqartut affaat allaffimmeersuussapput affaallu timmisartuussinermeersuussallutik.

Timmisartuussinermi sulisut tassaapput timisartumik ingerlatsisut, saqisut, mekanikerit mittarfinilu sulisut.

- Timmisartuussinermi Dash 8-ni Airbussimilu sulisunik ikilisaanerussagunarpugut. allaffik qiviarutsigu, tassani tamaniiussaaq, Jacob Nitter Sørensen KNR-imut oqarpoq.  

AAMMA ATUARUK Air Greenland nedlægger 75-100 stillinger

Sulisut qassit soraarsitaassanersut atorfiillu inuttaqanngitsut qassit atorunnaarsinneqassanersut, timmisartuutileqatigiinni suli ilisimanngilaat. Tamanna maajip naanerani paasinarnerulissasoq, Jacob Nitter Sørensen oqarpoq.

Air Greenlandip siuttuni sulisullu peqatigiiffii peqatigalugit sulisut eqqugaasut ingerlariaqqinnissaannut sapinngisaq tamaat ikiorniarniarpaat.

- Sulisugut pissutsini ajorluinnartumi tupigusuutigeqaakka. Pissutsit paasivaat tapersersuillutillu, pissutsilli nalorninipilussuarmik suliffimmilu toqqissisimannginnermik pilersitsipput. aaqqissutissanik pitsaasunik sapinngisamik amerlasuunik ujarlerpugut, Jacob Nitter Sørensen oqarpoq. 

Isummersuutit