Air Greenland silarlunnissaanut sillimmareerpoq
Nuummi eqqaanilu kingumut anorersuarujussuarnissaa silamik ilimasaarummi ippassarli aarlerisaarutigineqarpoq, sekundimut 30-nik sakkortussusilimmik anorersuassalluni. anorersualereerporlumi, taqqama qannguluttuin, assullu siallerluni. Taamaammat aqquserngit Taamaammat Nuummut Nuummiillu timmisartuussinissarpassuit taamaatiinnarneqarnissaat Air Greenlandip ilimagaa. Ilaasussat 200-t missaat eqqugaassagunartut ippassaq naatsorsuutigaat.
Nuummi eqqaanilu silapilunnera pissutigalugu Air Greenlandip timmisartuussinissani tamaasa ullumi allanngortippai. Nuummut Nuummillu aallarnissat tamarmik taamaatiinnarneqarput, ualeruluunniit sisamat kingornanut kinguartinneqarlutik. Silamimmi ilimasaarummi kingullermi allassimasut naapertorlugit Nuummut Nuummiillu ualeru sisamat kingorna aatsaat aallartoqarsinnaalissaaq, anorikillinerussammat, naak anorip sakkukillinissaa immannguaannaagaluartoq.
Paamiut Nuullu akornanni, aamma Kujataanut Kujataaniillu, timmisartuussinissat tamarmik taamaatiinnarneqareerput, aqagulu aatsaat pissallutik.
Sisimiunulli Avannaanullu timmisartuussinissat pilersaarutit maliinnangajallugit pissangatinneqarput.
Timmisartorsuup Københavnimiit Kangerlussuup tungaanut angalanissaa pilersaarutit malillugit aamma pissaaq. Timmisartorsuulli Nunatsinniit Danmarkiliartussap aallarnissaa unnugumut kinguartinneqarpoq, unnugu qulingiluanut tanneq arfineq-pingasut, 20.40, aallassalluni, Københavnimullu aqagu ullaaralaaq apuutissalluni.
Ilaasussat eqqugaasussat tamarmik attavigineqassasut Air Greenlandimit ilisimatitsissutigineqarpoq, timmisartuutileqatigiiffiullu nittartagaa nutarterneqartuassalluni.
