Air Greenland pingasunngornermi pingasoriarluni Københavnimut timmisartuussissasoq
Angalanissamut pilersaarutit naapertorlugit Norsaq Kangerlussuarmit ullaaq manna arfineq pingasut missaanni Københavnimukarluni aallarpoq.
Timmisartorsuaq Norsaq silap ajornera pissutigalugu Kangerlussuarmi januaarip ulluisa arfineq pingajuanni unnuivoq. Taamaattumik Københavnimit Kangerlussuarmukartussanik timmisartunik attartukkanik marlunnik ullumikkut taarserneqarluni Københavnimit immikkut angallassisoqassaaq.
AAMMA ATUARUK Air Greenland lejer ekstra fly for at løse trafikkaos
Ilaasussat aallarfissaat nussorneqareerput, e-mail-kkullu angalanissamut uppernarsaatit nutaat nassiussorneqareerlutik.
Ullut kingulliit silap ajornera teknikkertoqarneralu pissutigalugit ilaasussat 1000-t missaanniittut eqqorneqarput, ullumilu silamik ilimasaarut naapertorlugu - nunatta annersaani sila unerisimakannissaaq, taamaattumik nunatta iluani Københavnimullu angallassinissat pilersaarutaapput.
AAMMA ATUARUK Danmarkimit timmisartuussinissaq taamaatiinnartoq