Air Greenland: Naligiimmik unammilleqatigiinneq pisariaqarpoq

Nikolaj Heinrich isornartorsiuigaluartoq, Air Greenland suliffeqarfittut kisermaassilluni ingerlatsisuunerminit unammilleqatigiinnermut naleqqussartussaavoq. Air Greenlandip Kalaallit Nunaannut timmisartuussisarneq kisermaassariunnaarlugu piginneqataasut ilaat SAS Air Icelandilu aasaanerani unammillissavai. Air Greenlandimili pisortaanerup Michael Binzerip pissutsit taamatut ineriartornerat iluariinnarpaa.
Allattoq Louise M. Kleemann
septembarip 10-at 2008 09:54

- Uanga Nammineq isumaqarpunga unammilleqatigiinneq peqqinnartuusoq, pissutsilli allanngornerisa assigiinngitsutigut tulluarsaanissarput pisariaqartilersippaa. Eqqaamasariaqarporli naligiimmik unammilleqatigiissagutta naligiinnik atugassaqartinneqartariaqaratta piumaffigineqarlutalu. Tamatumalu kingunerisussaavaa ilaasussaqarpianngikkaangatta angallassisarnivut akuttortissinnaassagivut ilaasoqarluarsinnaaleraangattalu akulikinnerusumik timmisartuussisinnaalernissarput, Michael Binzer oqarpoq.

- Sumiiffinni assigiinngitsuni pissutsit allanngornerat iluarineqarpallaarneqarnavianngilaq, kisianni tassa naligiimmik unammilleqatigiinerup atugarititassaasa ilaat; suminngaanniilluunniit angallassiniaraanni imminut akilersinnaanera siulliullugu qiviaqqaartariaqartalissaaq, angalaniartullu naammakkaangata aatsaat angallassisalissaagut, Air Greenalnadimi pisortaaneq Michael Binzer oqarpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq