Air Greenland kipusoorpoq

Air Greenlandip aqagu tallimanngornermi timmisartuussinissai allanngorput.

Dash-7-ip ataatsip teknikikkut ajoquteqarnera pissutigalugu aqagu tallimanngornermi Nuummit Kangerlussuarmut Nuummillu Narsarsuarmut uterlugillu timmisartuussinissaralui allanngorput.

GL544 Nuummit Kangerlussuarmukartussaq nal.akunnerinik pingasunik siuartinneqarpoq Nuummit aallartussanngorlugu nal. ullaakkut arfinernut.

GL551 Kangerlussuarmit Nuummukartussaq taamaatinneqarpoq, ilaasussaralui timmisartumut allamut inissinneqassallutik, soorlu immikkut timmisartuliinikkut GL1557-imut Kangerlussuarmit nal. 15.20 aallartussamut.

GL 415 Nuummit Narsarsualiartussaq aamma GL416 Narsarsuarmit Nuummukartussaq pilersaarutinit kingusinnerusukkut aallassapput, tassa GL415 Nuummit Narsarsuarmut nal. 14.20 aallassalluni, GL416 Narsarsuarmit Nuuliartoq nal. 16.35 aallassalluni.

Aamma GL415-ip 416-llu kinguaattoorneri pissutigalugit Kujataani qulimiguulimmik timmisartuussinissaq kinguaattoorfiulaassasoq Air Greenland nalunaarpoq.

Ilaasussat qinnuigineqarput Tekst-TV aamma nittartagaq www.airgreenland.com alakkaqqullugit.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat