Air Greenland kinguaattuulaarpoq

Silap unerisimannginnera teknikkikkullu ajornartorsiuteqarneq pissutigalugu Air Greenland-imit silaannakkut angallassiniarneq ullumikkut ajornartorsiuteqalaarsimavoq.

Suluusalik Dash-7 39-inik issimasoqarluni Maniitsuliaraluarluni Nuummut ullumi utertariaqarsimavoq, timmisartup motoriisa sisamaasut ilaat ataaseq kissattoorpallaaqimmat.

- Timmisartoq motoorini pingasut kisiisa atorlugit ingerlaannarsimasinnaagaluarpoq, isumannaallisaanerli eqqarsaatigalugu Nuummut utiinnartariaqarsimavoq, Air Greenlandimi tuniniaanermi pisortaq, Jesper Kunuk Egede, oqarpoq.

Silap unerisimannginnera annertugisassaanngitsumik aamma ajornartorsiortitsimavoq.

Kangerlussuarmiit Maniitsoq aqqusaarlugu Nuummut timmisartuussinissaraluaq taamaatiinnartariaqarsimavoq. Taanna aqagumut kinguartinneqarpoq. Timmisartorlu Maniitsumukaraluartoq utiinnartariaqarsimammat Danmarkimukaraluartut 20-it ullumikkut anngutinngitsoorput.

Aammali Nuummiit Sisimiunut Narsarsuarmiillu Nuummut angalasussanik utaqqisoqarpoq.

- Naatsorsuutigaarpulli taakku unnugu anoraarutiimeriarpat aallarsinnaanngorumaartut, Jesper Kunuk Egede oqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat