Air Greenland kalaaliminernik akikinnerusumik assartuisalertoq

Kalaalimerngit nunatsinni sumiiffinni tamani mamarineqartupilussuupput. Mattaat, ammassat angisuut Uummannameersut allarpassuillu.
Assi © : Air Greenland
Allattoq Karsten Sommer
aggustip 13-at 2015 11:37
Nutserisoq Simon Uldum -

Air Greenlandillu nassiussieriaaseq nutaaq maanna atuutilersippaa taaguserlugu 'Mamaq', taannalu Nunatsinni  innuttaasut kalaaliminernik illoqarfiit akornanni nassiusisarneranni akikinnerulersitsissaaq.

Nassiusseriaaseq ‘Mamaq’ aalisakkanik, neqinik nunaatillillu tunisassiaannik akikinnerusumik pisariinnerusumillu nassitsisinnaanermik periarfissaqalersitsisassaaq.

- Kalaaliminernik pisinissaq soqutigineqarneruleriartortoq ilisimavarput, taamaattumillu Kalaallit Nunaata iluani pisariitsumik akikitsumillu nassitsisinnaaneq pingaaruteqarpoq. Periarfissaq atorluarneqanngitsoq takusinnaavarput, taamaattumillu kalaalimerngit siunnerfigalugit nassiussalerinerput pisariillisipparput. Soorunami neriuutigaarput kalaallit tunisassiaataasa annertunerusumik soqutigineqarnerulernissaannut tamanna ilapittuutaassasoq, Air Greenlandip tuniniaanermut pisortaa Christian Keldsen taama oqarpoq.

Mittarfinni taaneqartuni sorlerminngaanniilluunniit nassitsigaanni aalajangersimasumik annertussusilimmik akiliuteqaqqaartoqartassaaq.

Nassiussat 1-10 kg-nik oqimaassusillit aalajangersimasumik 300 koruuninik akeleqqaarneqartassapput, nassiussallu 11-20 kg-nik oqimaassusillit taamaallaat 500 koruuninik akeqassallutik.

Nassiussassanik toqqaannartumik sinerissami mittarfinnut tunniussisinnaaneq periarfissaalereerpoq.

Angallavinni taaneqartuni 'Mamaq' atorlugu nassitsisinnaallutillu tigusisinnaavutit:

·     Qaanaaq

·     Upernavik

·     Qaarsut

·     Uummannaq

·     Ilulissat

·     Qeqertarsuaq

·     Qasigiannguit

·     Aasiaat

·     Sisimiut

·     Kangerlussuaq

·     Maniitsoq

·     Nuuk

·     Paamiut

·     Narsarsuaq

·     Narsaq

·     Qaqortoq

·     Nanortalik

·     Kulusuk

·     Tasiilaq

·     Nerlerit Inaat

Aamma atuaruk