Nunat Avannarliit Killiit takornariaqarnikkut nittarsaassineranni Islandimi pisumi - Vest Norden Travel Martimi, Air Greenlandip nuisitsivia amerikamiunit pisiniarfigineqangaatsiarpoq.
Amerikamiut suliffiutaat pingasuugaangata marluk nunatta USA-milu illoqarfiup Baltimore-p akornanni timmisartuussisalernissaq pillugu paasiniaasarput.
Air Greenlandip nunanut allanut tuniniaanermut pisortaa, Per Karlsmose oqaluttuarpoq:
- Takornariarnermik ingerlatsisut amerlasuut akissaqarluartullu Nunatsinnukartitsisarnissaminnut soqutiginnillutik saaffiginnittarnerat nuannaarutigeqaarput.
Per Karlsmose oqarpoq Air Greenland kikkunnut tamanut ammasoq.
- Mattussinianngilagut, nunatsinnut soqutiginnissinnaasut tamaasa tikilluaqquagut.
Air Greenlandip USA-mut aappaagu maajimiit angalatitsisalernissamini inissat 6000-it tuniarneqarnissaat pilersaarutigaa, novembarimilu misiligummik Baltimore-liartitsissaaq.