Air Greenland-ip qulimiguujutaa nakkartoq

Qulimiguulik sungiusaatitut atorneqartilluni nakkarpoq issimasoralugit qulimiguumik aquttoq ilitsersuisorlu. Helikopteri atorsinnaajunnaarluni sequmippoq. Timmisartornermik ilitsersuisoq aquttorlu nammineerlutik qulimiguulimmit anisinnaasimapput, helikopterip nakkarnerani allanik ilaasoqarsimanngilaq. Maannamut ilisimaneqanngilaq qulimiguulik suna pissutigalugu nakkarnersoq. Timmisartut ajunaarsimatillugit naalagaaffimmit mississuisartut, helikopterip nakkarnera pillugu nalunaarfigineqareersut Air Greenland-imit nalunaarutigineqarpoq, naatsorsuutigineqarporlu ataasinngorpat helikopterip nakkarneranut patsisaasoq paasiniarneqarluni aallartissasoq. Nuummi mittarfimik matuneqarallarpoq, helikopterip nakkartup taassumalu seqummakuisa peerneqarnissaasa tungaanut. Timmisartoq Narsarsuarmit Paamiut aqqusaarlugu Nuummut ingerlaartoq, nalunaaqutaq 19:15 Nuummut tikinissaa pilersaarutigineqarpoq