Air Greenland: Innermik anitsineq angallannermik eqquinavianngilaq
- Islandimi massakkut pisut ajornartorsiutiginavianngilagut. Danmarkimut timmisartuussinissatsinnut pilersaarutaavoq avannaqqullugu timminissarput. Islandip silaannartaa matuneqartoq aqqusaartussaannginnatsigu pilersaarutit malillugit timmisartuussissaagut, Christian Keldsen Radioaviisimut oqarpoq.
Taassuma Islandimi pisut ernumanartutut isiginngilai.
- Siornatigut sermersuup ataani innermik anitsisoqarnera pissutaalluni arsakut silaannarmut timmisartorfiusumik eqquinikuupput. Massakkut innermik anitsisoq nunamiippoq sermersuup ataaniinnani. Ilisimatinneqarnera malillugu ernumartoqanngikkallarpoq, Christian Keldsen oqarpoq.
Taamaakkaluartoq Islandimi pisut malinnaaffigeqqissaarlugit ilisimatitsivoq.
Islandip Nunattalu akornanni timmisartuussineq eqqugaassanngitsoq Air Icelandip ilaasunik sullissivia aamma nalunaarpoq.