Air Greenland immikkut ittumik timmisartuussisariaqarsimavoq
Silap sapaatip-akunnerata siuliani ajoqattaarnera pissutaalluni Nunatsinni timmisartuussinerit amerlasuut taamaatiinnarneqarput.
Air Greenlandilli juuliliartussat nassiussallu tamaasa sukataavilluni anngunniarsarai, pingasunngornerlu decembarip ulluisa 16-iat timmisartuutileqatigiiiffiup oqaluttuarisaaneranut pingaaruteqarpoq, aatsaammi taama timmisartuussisimatigaaq.
Air Greenland taama nalunaaruteqarpoq.
Nunatta qeqqani immikkut ittumik timmisartuussinerit 35-upput, ulloq unnuarlu ingerlaartoqartuaannangajalluni.
Suliassat naammassiniarlugit Air Greenland Thomas Cook Airlinesimit Atlantic Airwaysimiillu timmisartunik attartortariaqarsimavoq.
Qaqortormiut tamanna iluaqutigeqaat, pisiniarfiimmi qeerlutuujutaaruttoormata Sisimiunilu immikkut ittumik aamma pisariaqartitsisoqalermat Air Greenland ikiuuttariaqalerpoq.
Juullimut allakkat tamarmik anngutereersut, Air Greenlandip assartuinermut immikkoortortaqarfiata nalunaarutigaa, ilaasussallu tamangajalluinnarmik timmisartuunneqareersimanerarlugit.
Uummanniartussat arfineq-marluk kisimik amigaataapput.
Uummannami Qaarsunilu marlunngormat silarlummat Air Greenlandip Dash-7-iutaa missinnaasimanngilaq, Danmarkiliartussallu arfineq-marluk anngutinngitsoorlutik, taakkuli juullip kingorna Danmarkiliartumut siullermut Air Greenlandip ilaatissagai nalunaarutigineqarpoq.
