Air Greenland-imi saqisut pisortallu oqaloqatigiilerput

Air Greenlandimi saqisut Air Greenlandimi pisortat oqaloqatigineqarsinnaaniassammata sulinerminnik

unititsisariaqarsimapput, sermitsiaq taama allaaserisaqarpoq.

Sulinermik unititsinitsinni angalasut ingerlariaqqissinnaangitsut ilisarisimagatsigit taakkulu kikkuusugut nalunnginnamitigut pisoq ilungersunarpoq. Ingammik uagut saqisut Ilulissani, Nuummi Narsarsuarmilu najugaqartuusugut angalasut

assut ilisarisarpaatsigut, saqisut sinnerlugit oqaaseqartoq, saqitsissaatooqarnerali pissutigalugu kinassutsiminik isertuussisoq oqarpoq, maannali sulinermik unititsineq qaanngiussimalerpoq.

Air Greenlandimi saqisut sulinerminni atugarisaminni naammaginngisaat arlaqarsimapput:

Soraanerussutisiaqarnermut aaqqissutit nutaat pingaarnerpaattut naammaginngilaat, qaammatini arfineq pingasuni tamanna pillugu oqaloqatigininniartaraluarpugut, tamannali iluatsittarsimanngilaq.

Soraarnerussutisiat pillugit isumaqatigininniaratta, paasivarput 500-700 kr-nillu akornani qaamammut aningaasartuuteqartassasugut, taamaatorli

Suleqatitta amerlanerpaartaat qaammammut 2000 kr-nik ilanngaaffigineqartarput, tamannili akissaqartinngilarput, Air Greenlandimi saqisoq oqaluttuarpoq.

Saqisut naammagittaalliutaat alla tassaavoq saqisut napparsimatillugit allakkatigut mianersoqqussumik

tunineqartarnerat.

Air Greenlandimi saqisut ajornartorsiutaat qaanngerniarlugit saqisut sinniisaat Air Greenlandimilu pisortat oqaloqatigiillutik aallartissimapput.