Timmisartuutileqatigiiffiup ullumikkut anorersuarnissaa pissutigalugu timmisartuussisoqannginnissaa ippassaq nalunaarutigaa. Toqqorsivimmit assiAssi: KNR / Foto: Anton Gundersen Lihn

Air Greenland: Ilaasussat 1000-it ullumikkut taamaatitsisoqarneranik eqqugaasut

Nunatsinni anoraasuarpoq, timmisartumilu ilaasussat 1000-init ikinnerulaartut angalanissaat taamaatiinnarneqarpoq.

Air Greenlandip timmisartuutai silap ajornera pissutigalugu ullumikkut timmisinnaanngillat.

Timmisartumut ilaasussat 1000-init ikinnerulaartut eqqugaaqqapput, taakkulu angalanissaat allanngortinneqarlutik. Air Greenlandimi timmisartuussinermut immikkoortortaqarfimmi pisortaq, Niels Chemnitz Frederiksen oqarpoq.

TImmisartut ullumikkut anorersuartussaanera pissutigalugu angalassanngitsut timmisartuutileqatigiiffiup ippassaq ilisimatitsissutigaa – nunatsinnilu maanna anoraasuarsualeruttorpoq.

AAMMA ATUARUK DMI: Nuna tamarmi silarluttussaanera pissutigalugu timmisartuussiffiussanngilaq

Ullullu sinnera anoraasuarniarpoq.

- DMI-p silassamut nalunaarutaa eqquuppoq, taamaammat timmisartut ullumikkut angalatissanngilagut, Niels Chemnitz Frederiksen oqarpoq.

- Sila aqagu atoruminartussaavoq, taamaammat aqagu ullaakkut timmisartuussilissaagut. Ilulissani Aasiannilu anori ullup ingerlanerani aatsaat sakkukilliartulissaaq, taamaammat Ilulissani Aasiannilu aqagu ullaap tungaani timmisartuussisinnaanaviarnata naatsorsuutigaarput. Ilaasussat nalunaarfigineqassapput, Air Greenlandimi timmisartuussinermut pisortaq oqarpoq.

DMI-p  silamik ilimasaarutaa naapertorlugu Qeqertarsuarmi ullumi natsimassaaq anorersuartut sakkortutigisumik anoraasuasassalluni.

AAMMA ATUARUK Air Greenland: Angalanissat tamarmik anorersuarnissaa pissutigalugu taamaatinneqarput

Nunatta kujataata kitaani qulisimalluni nittaattanngikkuni, imaliliortanngikkuni siallertassangatinneqarpoq. Anorersuartut sakkortutigisumik anoraasuasarluni - ualerulu anorersuannguuttartumik natsimassaaq sumiiffiilli ilaanni anorersuartassalluni.

Nunatta kujataani qulisimalluni - siallertarluni nittaattassaaq. Natsimassaaq anorersuartut sakkortutigisumik anoraasuasassalluni. Ualerulu suffarissinnarluni anorersuannguuttartussamik natsimalissaaq.

Tasiilami aamma anorersuassangatinneqarpoq. Ualerumi natsimalissaaq anorersuartut sakkortutigisumik anoraasuasassalluni.

Qaqortoq storm

Qaqortumi sisamanngornerup ullaap-tungaani mallertorujussuaq. Video: Connie Fontain

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat