Air Greenland: Dash 8 mingutsitsinnginneruvoq

Silaannaap CO2-mik mingutsinneqarneranut timmisartut angallannerat pisoqataalluinnarpoq. Kalaallit Nunaanni angallassinerni timmisartuussinerit ikummatissamik atuinerit affaraat. Imaappoq Kalaallit Nunaata CO2-mik aniatitsinerata 7 procenteraa.

Air Greenland nalunaarpoq maannamut Dash 7-it Dash 8-nik qanittukkut taarsersorneqalissasut silaannarmut migutsitsinermik annikinnerusumik kinguneqartumik, tuniniaanermi niuernermilu pisortaq Christian Keldsen taama ilimasaaruteqarpoq.

- Dash 8 Dash 7-imiit minnerulaaraluarluni ikummatissamik atuilluarneruvoq. Marlunnik motooreqarpoq, naatsorsuutigaarpullu 2009-p ingerlanerani atorneqalissasoq.

- Siunissaq ungasinnerusoq eqqarsaatigalugu kiffartuussinissamik isumaqatigiissutissaq ajugaassutigisinnaagutsigu helikopteriutiguttaaq pinngortitamik mingutsitsinnginnerusunik taarsersulissagaluarpavut, ilaammi ukiut 45-t Kalaallit Nunaanni angallassinernut atoreerpavut, Christian Keldsen oqarpoq.

Air Greelandip nunami silaannarmilu mingutsitsinerup annikinnerpaaffimmiinnissaa sulissutigiuarpaa. Assersuutigalugu atortukunik atoqqiinerit, timmisartunullu inissiisarfiit kiassarneqarneri atoqqinneqartarput.

Radioaviisimi Royal Arctic Linemit ippassaq oqaatigineqarpoq issittumi pinngortitap asattuunnissaanut suliniuteqarnerit.

Air Greenlandimillu oqaatigineqarpoq Kalaallit Nunaat isorartoqimmat inuilu ikeqimmata timmisartuutit tamakkiisumik atornissaannut pilersaarusioruminaatsoq.

Mittarfiit naatsuupput qulimiguulinnullu miffissat mikillutik. Taamaammat Kalaallit Nunarujussuanut timmisartunik naleqquttunik atugaqalernissaq ujarlernartaqisoq, Air Greenlandimi tuniniaanermi nuiernermilu pisortaq Christian Keldsen naggasiivoq.

Nunarsuaq tamakkerlugu CO2-mik aniatitsinerup 2 procentia timmisartunit pivoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat