Air Greenland AWG-mut aningaasaliisut annerit ilagisussanngorpaat

Soorunami aningaasanik naleqarpoq, aningaasallu tamakku maanna isaatinneqaleruttorput.

Annertuumik aningaasaliisoq kingulleq tassaavoq Air Greenland.

Timmisartuutileqatigiiffik toqqaannartumik aningaasaliinngilaq, attartukkanilli timmisartuussinerni annertuumik akikillisaavoq, aammali piumassutsiminnik sulisitsissaaq, dommerinullu, namminneq piumassutsiminnik sulisunut allaffeqarfimmiunullu akikinnerusumik timmisartuussisarniarluni.

Timmisartuussinissallu pisariaqartinneqassaqaat. Tassami inuit 2000-it Nuummi ammaanersiornissamut angallannissaat imaannaanngitsuusussaassaaq.

Assersuutigalugu inuit 1259-it ullup ataatsip ingerlanerani Kangerlussuarmiit Nuummukaassorneqartussaasut, Air Greenland nalunaaruteqarpoq.

Air Greenlandip timmisartui Dash-it tamangajalluinnarmik tassunga atorneqassapput.

Timersuutinut assigiinngitsunut 15-isusunut ishockey ilaavoq, Canadamiittumilu Iqalunni tamanna ingerlanneqassalluni.

- Pilersaarusiorluarnissaq pisariaqarluinnarpoq, Arctic Winter Games-imi ishockey-taqanngitsoq Arctic Winter Games-iunngilaq - Air Greenland-eqanngippallu Arctic Winter Games-eqarnavianngittoq, Air Greenland nalunaarpoq, ilanngullugulu nalunaarutigalugu Air Greenlandip oqaluttuarisaanerani aatsaat taama annertutigisumik tapiissuteqarlutik.

- Arctic Winter Games asseqanngitsuuvoq. Kalaallit Nunaannut uatsinnullu. Timmisartuutitsinnullu peqataasussat tikilluaqqunissaat assorsuaq qilanaaraarput. Amerlanerpaanummi Kalaallit Nunaannut tikinneq Air Greenlandimi aallartittarpoq; akisussaaffillu taanna ilungersuullugu tigusarparput - aamma Arctic Winter Games 2016 eqqarsaatigalugu, aningaasaliinerit annersaat atsioqqammilugu Air Greenlandip pisortaanera Michael Højgaard oqarpoq.