Air Greenland attartorpoq

Air Greenlandip timmisartuutaa, Boeing 757, Kunuunnguaq, iluarsaanneqarluni suli Cypernimiippoq, taamaammat Air Greenland Danmarkimiit nunatsinnut uterlugulu angalasussanut timmisartunik marlunnik attartorpoq.

Timmisartoq Air Adriaticimeersoq ullumikkut tallimanngornermi aggustip 19-ianni attartorneqarpoq, taanna Københavnimiit Islandimi Keflavikiliaassissalluni.

Islandimiit Narsarsuarmut angalasut timmisartumut allamut ilaassapput, tassa Atlantic Air Ways-imeersumut, ilaasussallu tamakkerumallugit timmisartoq taanna Islandimiit marloriarluni Narsarsualiassaaq uterlugulu.

Tamanna nassuiaatissartaqarpoq. Air Greenlandip saniatigut timmisartuutileqatigiiffiit Narsarsuarmut missinnaasut marluinnaapput, Narsarsuup mittarfia inissisimaffimmigut immikkooruteqarmat.

Aqagu arfininngornermi aggustip 20-ianni timmisartoq Air Finlandimeersoq Københavnimiit Kangerlussuarmukassaaq uterlugulu.