Air Greenland-ip siulersuisuini siulittaasussaatut, Julia Pars ullumi toqqarneqarpoq.
Nunatsinni Takornariaqarnermut Inuussutissarsiorner-mullu siunnersuisoqatigiinni tusagassiisarnermut pisortaasup 38-nik ukiullip, ukiuni arfineq pingasuni siulittaasuusimasoq Peter Grønvold Samuelsen, kingoraassavaa.
Ullumi Air Greenland-ip ataatsimeersuarnerani siulittaasussamik toqqaaneq pivoq, timmisartuutileqatigiiffiup 2006-mut sinneqartoorutai 90,8 mio. kr.-niusut aamma saqqummiunneqarput.
Siulersuisuni siulittaasunngortoq sulilernissaminik qilanaaqisoq oqarpoq, suliffigilingassaminut angutaannangajannik suliffigineqartumut talorutinngilluinnarluni.
Naleqquttumik ilinniagaqarsimagaanni kiisalu ajunngittumik piginnaaneqaraanni inuttullu ajunngittumik eqqarsartaaseqaraanni taava aamma sunaluunniit arnaagaluarluni anguneqarsinnaasarpoq.
Taamaattumik Air Greenland-imi siulersuisuni siulittaasutut sulilernissannut qilanaartorujussuuvunga,
Maannakkullu aamma siulersuisuusut suleqatiginissaat qilanaareqalugu aammalu timmisartuuleqatigiiffiup qanoq ituunerata iserfigiartuaarnissaa qilanaaralugu, silersuisummi angusimasaat aamma takusinnaagakkit ajunngitsut.
Air Greenland-imi siulersuisut sinneri allannguuteqan-ngillat. Air Greenland-ip oqaluttuarisaanerani siullerpaamik 2006-mi kaaviijaartitat 1 milliard-it kr. sinnersimavaat.
Inernerit kusanartut ilaatigut pissuteqarput aatsitassarsiornermik soqutiginninnerup annertunerulersimaneranik, suliffeqarfissuillu Air Greenland-ip qulimiguuliutaannik atuisarsimammata, taama oqarpoq, Air Greenland-imi pisortaaneq, Flemming Knudsen.