Air Greenland angumersiniaaleruttorpoq
Qaqqaq innermik anitsisoq sakkukillisimavoq, taamaallaallu aalamik aniatitsilerluni. Taamaammat maani nunatsinni Europallu avannaani timmisartoqqusiunnaaraluarneq taamaatippoq. Islandimiup, qaqqat innermik anitsisartut pillugit ilisimatuup, Magnus Tummi Gudmanssonip, oqarneratuut:
- Qaqqaq innermik anitsiunnaareerpoq, taamaaginnassappallu anitseqqinnissaa ilimanarunnaarpoq.
Kisianni Avannaani Kujataanilu timmisartukkut angallassineq arsakunit qullaatsitanit suli akornusersorneqarpoq, taamaattumik timmisartoqqusinnginnerup kingunerisaanik kinguaattoornerit arlallit sumiiffinni taakkunani suli atuukkallassasut Air Greenlandimit ilisimatitsissutigineqarpoq.
Timmisartuussinissamut pilersaarutit ullumimut aqagumullu atuuttut pillugit nalunaaquttap sisamap kingorna annertunerusumik paasiniaasoqarsinnaasoq aamma nalunaarutigineqarpoq.
