Air Greenland aamma kinguaattoorpoq

Air Greenland ullumi timmisartuussinngilluinnaqissaarpoq nittaangaarmat isikkivilullunilu.

Norsamut allaat Københavnimit Kangerlussuarmut tikinngitsoorpoq Keflavikimullu miinnartariaqarluni ilaasunilu tamaasa tassani unnuisittariaqassallugit neriuutigineqarporli aqagu nunatsinnut apuunneqassasut.

Ilulissanit Upernavimmut ullup ilaa neriuutissarsigaluarput, kisianni sila naalaganngoqqeriataarpoq, avannamukarnissarlu taamaatinneqarpoq.

Kangerlussuaq ukiumut ataasiaannangajavilluni matoqqasarpoq, tamannalu pisarpoq novembarimiunngikkaangami decembarimi.

Nalinginnaq oqaatigineqartarpoq timmisartuussinerit 98%-ii Kangerlussuarmi iluatsittartut.Air Greenlandip ullumi angallanniagai katillutik 500-t missaanniissimapput.

Arfininngornerullu ualiani kingusissukkut Air Greenland nalunaarpoq timmisartuussinikkut ullumi angunngitsuukkat aqagu arfininngornermi naammassiniarneqassasut apuuffissaminnut apuutitinniakkat arfinngornermi tamarmik isumagineqarsimanissaat pilersaarutaalluni.