Air France taarsiisussanngortitaavoq

Franskit timmisartuutileqatigiiffiat Air France brasiliamiunut ilaqutariinnnut 11 millioner koruuninik taarsiisussanngortitaavoq. Tamanna Brasiliamiut eqqartuussivianit aalajangerneqarpoq.
Allattoq Jaaku Lyberth
marsip 13-at 2010 17:23

Franskit timmisartuat Airbus 228-inik ilasoqarluni siorna nakkarmat arnaq 41-inik ukiulik ajunaartunut ilaavoq. Arnap taassuma ilaqutaasa taarsiiffigineqarnissaat eqqartuussivimmi aalajangerneqarpoq.

Timmisartoq Brasiliamit Frankrigimut ingerlaartilluni imarpissuarmut nakkarpoq. Brasiliami eqqartuussivimmi taarsiiffigittoqarnissamik aalajangiisoqarmat, oqaatigineqarpoq, timmisartup nakkarneranut timmisartuutileqatigiiffik Air France isumannaatsuunissamik paarsinillussimanera pissutigalug timmisartoq nakkarsimasoq.

Timmisartoq nakkarmat nunat allamiut 32-it ajunaartunut ilaapput taakkunannga qallunaaq ataaseq ajunaaqataalluni.

Eqqartuussinermi aalajangerneq timmisartuutileqatigiiffiup Air Francep sillimmasiisarfiata eqqartuussivimmut allamut suliassanngorlugu ingerlateqqissagaa nutaarsiassaqartitsivik ritzau taamatut allaaserisaqarpoq.