Air Alpha naammagisimaarinnippoq
Timmisartuutileqatigiinni Air Alphami ukiumut naatsorsuutit siornarnisat naammagisimaarneqarput. Naak nunatsinni timmisartuussisarnerminni timmiffiunngitsoorsimasut pigisaminnik nalikillisaaffigisariaqarsimagaluarlugit.
Qulimiguulimmik angallassinissat isumaqatigiissutaareersut piviusunngunngitsoortut immikkut ittumik 7,5 millioni koruunit nalinginik nalikillisaasariaqarsimapput, Erhvervsblad-imi tamanna ullumi atuarneqarsinnaavoq.
Qulimiguulimmik angallassinissamut isumaqatigiissutit tamaasa annaasimanngikkunikkik Air Alpha iluanaarujussuaqqajaqaaq.
Qulimiguulimmik nunatsinni angallassinerup saniatigut Air Alpha timmisartunik tuniniaanernik iluarsaanernillu ingerlataqarpoq.
Qulimiguullit pingasut atorlugit ukiuunerani nunatsinni angallassisussarsiornermi isumaqatigiissummik unammisitsinermi Air Alpha ajugaasuuvoq.
Timmisartuutileqatigiit siorna ajornartoornerminni Danmarkimi Odensemit aallaaveqartumik timmisartunik attartortitsivittaarpoq.