Air Alpha amigartooruteqassaaq
Namminersornerullutik Oqartussat Air Alphamut tapiisarunnaarnerata kingunerisaanik suliffeqarfik millionerpassuarnik annaasaqassaaq.
- 50 millioni koruunit missaat annaasaqaatigissavavut, Air Alphami pisortaaneq Poul Lübbert, naliliivoq.
Suliffeqarfiit namminersortut siunissami qanoq pinissaat Poul Lübbertip ernummatigaa.
Kalaallit Nunaanni aningaasaliisartut allat qanoq pisoqarnera malugigunikku kalaallinut inuiaqatigiinnut aningaasaliinissartik pilerigigiunnaassavaat, tamattami ilimagisimagaluarparput unammilleqatigiilluta suleqatigiissinnaanissarput, taamali pisoqanngivippoq, Air Alphami pisortaaneq, Poul Lübbert, oqarpoq. Nangipporlu:
- Air Greenlandimut arlalitsigut unammillernissarput Namminersornerullutik Oqartussat assorsuaq soqutigisimavaat, qanorli pisoqarpa? Tassami maanna killormorluinnaq pisoqarpoq, sunamitaava tullinnguutissava, Poul Lübbert naggasiivoq.