Aikeraarutip qaffanneqarnissaa suli periarfissaavoq
Akileraarutilli maannakkut qaffanneqanngippata, kingusinnerusukkut qaffaasoqariaataarsinanavoq
- Maannakkorpiaq pissutsit taamatut isikkoqartillugit akileraarutip qaffaniissaa naatsorsuutigingilara, Aningaasaqarnemut naalakkersuisoq, Vittus Qujaukitsoq, oqarpoq aammali nangilluni:
- Kisianni oqareernittuut, isumaqatigiiniarnerit ingerlatillugit imatut inernilereerlunga akissuteqarfigisinnaangilara taamaassanngitsoq. Kisianni akileraarutit qaffannissaat uanga tunginiinngaanniit pilersaarutiginngilara.
Ataaserli nalunanngilaq. Isertitat aningaasartuutillu suli oqimaaqatigiisikkuminaapput, appaagulu aningaasartuutissatut isertitassatullu pilersaarutit mannakkut suli amigartooruteqarfiupput.
Ilaatigut Siumumeersut nuannaarutigisaannik, amigartoorutaasussat ikisinneqaraluarput.
Kisianni Siumup aningasaaqarneq pillugu oqaaseqartartua, Finn Karlsen, qularnaatsumik oqarpoq, Grønlandsbankimik piginneqataassutit tununerqarnissaa gruppimini taperserneqarsinnaangitsoq.
Taamali oqarnermigut aningaasanut inatsisissat ataqatigiinissanut aaqqissut peerpaa.
Naalakkersuisulul isornartorsiuisunut tusarnaalerput, tunisinissarlu taamaatillugu
- Tassa Naalakkersuisuniit Inatsisartuni partiit assigiinngitsut oqariartuutaat soorunami aamma tusaavagut, aamma piginneqataassutit tunineqarnissaannik kissaateqartoqannginnera aallaavigalugu allannguutissanik soorunami isertitassat asuminngaaniik aaneqarsinnaanerannik siunnersuuteqarpugut, Vittus Qujaukitsoq oqarpoq.
Naallu aningaaanut inatsisissap inaarsarnisssanut piffissakilligaluartoq, Vittus Qujaukitsoq suli aaqqiissutissaasinaasunik nunguutsinngilaq
Taamaammat imaassinnaavoq, aningaasanut inatsisissaq naggaterpiaatigut iluatsittoq.
- Allannguutissanik soorunami siunnersuuteqarpugut, isertitat suminngaanniit aaneqarsinaanersut siunersuteqarluta, kisianni partiit tamakkerlugit oqaloqatiginerat naammassinikuunngimmat, immikkuualuttortaanik oqaaseqarsinnaangilanga, allatut iliuuserisassagut qanorpiaq sunniuteqassanersut, aningaasaqarnermut naalakkersuisoq Vittus Qujaukitsoq oqarpoq.
