AIDS-ip ulluata malunnartinniarneqartarnera pingaaruteqarpoq

Ullumikkut nunarsuaq tamakkerlugu AIDS-ip ulloraa.

Tamannalu nunatsinni aamma malunnartinniarneqartarpoq.

Paarisami siunnersorti Sofie Jessen oqarpoq, nunatsinni HIV-mik tunillanneqarsimasut AIDS-imillu napparsimalersimasut akuerineqarnerunissaat anguniarlugu ullup malunnartinniarneqartarnera pingaaruteqartoq :

- Malunnartinniarneqarneratigut oqariartuutigisarparput tunillatsissimasut akuerineqarnerunissaat. Tunillatsissimasut ajornartorsiutigisarpaat ilaqutariit inuiaqatigiinnilu akurisaanngittarneq, taamaattumik pingaaruteqarpoq isertuanani eqqartussallugu, Sofie Jessen oqarpoq.

Sofie Jessen-ip erseqqissaatigaa HIV- mik AIDS-imillu nappateqarneq allatulli nappaataammat, allaanerussutaalu tassaaginnarluni kinguaassiutitisgut atoqatigiinnikkut tunillaattartuugami.

Sofie Jessen oqarpoq, malunnartoq HIV-imik tunillanneqarsimasut AIDS –imillu napparsimalersimasut ukiuni kingullerni inuiaqatigiinni isertuanani oqaloqagiissutigineqartarnera akuerineqaleriartorneralu malunnartoq.

- Nappaatip saqqummeqqaarnerani 90-ikkulu naajartornerani eqqartorneqartarnera paqumigineqartarpoq annilannaganartutullu isigineqarluni. Maannakkut taama isigineqarunnaariartorpoq; immaqa paasititsiniaanerit apuuttarsimagamik, Sofie Jessen oqarpoq.

Sofie Jessen oqarpoq inuusuttut inersimasut akornanni HIV-mik tunngasumik ilisimanearaluartut; taamaattoq suli kinguaassiutitigut nappaatit suli atugaasorujussuusut.

- Isumannaatsumik atoqatigiissagaanni inuit ataasiakkaat apeqqutaaginnarpoq, Sofie Jessen oqarpoq.

Nunarsuaq tamakkerlugu AIDS-ip ullua Nuummi malunnartinniarlugu ualeru sisamanut Annaassisitta oqaluffiata silataani erinarsoqatigiittoqassaaq, kingornalu ikumatitalisaarluni ingerlaartoqareerpat Hans Egede-p oqaluffiani qinoqatigiittoqassalluni. KNR- tv - kkut unnugu nalunaaqutaq arfineq- pingasunut inuusuttunut kinguaassiutitigut naappaatit pillugit aallakaatitsisoqareerpat aamma radiukkut oqallititsisoqassaaq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat